Պասիվ ծխելը ևս առողջության վրա վատ է անդրադառնում

Բավական է ծխողների շրջանում գտնվել ընդամենը 20 րոպե, որպեսզի առողջությանը վնաս հասցվի։ Սրանում համոզված են Աթենքի համալսարանի ու Հարվարդի առողջապահական դպրոցի փորձագետները: 

«Պասիվ ծխելու ազդեցությունը գիտնականները դիտարկել են 15 կամավորների շրջանում: Փորձերի մասնակիցներին խնդրել են 20 րոպե նստել մի շինությունում, որը նման է ծխողի ավտոմեքենայի կամ բարի, և հետևել են նրանց շնչառությանը»,– գրում է The Huffington Post-ը: 

Նկատվել է, որ այդ կարճ ժամանակահատվածում կամավորները սկսել են դժվարությամբ շնչել: 

Հետազոտական խմբի ղեկավար դոկտոր Պանագիոտիս Բեխրակիսը ստացված տվյալները ներկայացրել է Թոքերի ուսումնասիրությամբ զբաղվող ամերիկյան քոլեջի ամենամյա հավաքին:

Հարցեր, պատասխաններ, մեկնաբանություններ